عاجل / القبض على فنان شعبي تونسي بعد انتهاء عرضه… والتحقيق يكشف التفاصيل! (فيديو)

في أول ظهور إعلامي له بعد تجربة مريرة، تحدّث الفنان التونسي حسام بن رمضان خلال استضافته في برنامج فكرة سامي الفهري، عن تفاصيل توقيفه الأخيرة، التي قال إنها كانت صادمة وغير متوقعة، رغم تعامله مع الجهات الأمنية بكل احترام.

وأوضح بن رمضان قائلاً:
“أنا توا عندي شهر ملي خرجت، ومازلت موش فاهم شنو صار بالضبط… في 9 ديسمبر كنت في نزل على خلفية عرض عمل بصفاقس، وبعد ما خرجت، لقيت أعوان الأمن يستنّاو فيا. مشيت معاهم طوعًا، وكان كل شي محترم. قالولي ‘باش نسألوك أسئلة وتروح’، أما حسّيت من الأول اللي ما ثماش روحة.”

وأضاف:
“في الفترة هذيك كنت ملتزم بخدمتي وما عنديش وقت لا للخرجات لا للسهرات، وزادت الأمور تعكرت بعد وفاة الوالد، وبقيت في صفاقس مع الوالدة اللي كانت تكمل في العدّة… ما كنتش نتوقع اللي يصيرلي الشي هذا.”

وتابع:
“طلبوا مني نحل تليفوني ورفضت، لأنّي نحترم خصوصيتي… من الغدوة فهمت اللي التهم تتعلق بترويج مواد مخدّرة، ووقت سمعت الكلام هذا حسّيت بدوار، ما صدقتش اللي إسمي مرتبط بحكاية كيف هكا!”

حسام كشف أيضًا عن خلفية سابقة:
“أنا قضيت 10 سنين حبس، وخرجت نحب نرجع نعيش عادي… لتوا مازلت مدمّر من اللي صار، حتى عايلتي ما خلطتش نحكي معاهم، غير أمي، أختي وخويا… طلبت منها ماتجيبلّي حتى حد”.

وختم حديثه بنبرة حزينة:
“أكثر حاجة وجعتني هي الإساءة لسمعتي… توقّفت بسبب اختبار تليفون، وبقيت في الإيقاف شهرين و17 يوم حسّيتهم أطول من العشر سنين اللي فاتت… كان عذاب حقيقي”.